Report Tv-Ministri i Jashtëm turk në Tiranë: 'Gylenistët' kontrollojnë sistemin arsimor

Turqia i kërkon sërish Shqipërisë mbylljen e shkollave të klerikut, Fetullah Gylen. Kërkesa është bërë gjatë vizitës në Tiranë nga ministri i Jashtëm turk, Mevlut Çavusoglu, gjatë konferencës së përbashkët për shtyp me homologun Ditmir Bushati. Turqia akuzon Gylen si njeriun që organizoi grushtin e shtetit verën e vitit të kaluar. Kryediplomati tha se 'gylenistët' kontrollojnë sistemin arsimor në Shqipëri, ndërsa sipas tij kanë ndërhyrë edhe në strukturën shtetërore.