ધનસુરામાં પાણીનું સ્તર નીચે જતા હાલાકી

અરવલ્લી જિલ્લાના ધનસુરામાં પાણીનું સ્તર નીચે જતા સ્થાનિકો હાલાકી ભોગવી રહ્યાં છે. ધનસુરા તાલુકાના ધામણિયા ગામના લોકો ખેતી અને પશુપાલન પર નિર્ભર છે. ત્યારે આવી ગરમીમાં તમામ બોર-કૂવા, તળાવના સ્તર નીચા જતા ગામ લોકો પરેશાન બન્યા છે. પાણી પુરવઠા વિભાગ દ્વારા કરોડોના ખર્ચે પાઇપલાઇન તો નખાઈ છે પરંતુ આ યોજનાના લાભથી ધામણિયા ગામનો વિસ્તાર વંછિત છે. હાલ આ ગામની મહિલાઓ પાણી પુરવઠાના માત્ર એક એર વાલ્વના ટપકતા પાણીથી બેડા ભરવા મજબૂર બની છે.