Ambasadori gjerman, Peter Zingraf i ka bërë thirrje politikës që të vijojë me ecjen para dhe zbatimin e reformave kyçe për vendin në mënyrë që të ecet para me procesin e integrimit, pasi vetëm kështu sipas diplomatit gjerman njerëzit do të mund të rifitojnë besimin e nevojshëm në politikë dhe drejtësi. Zingraf tha se koha deri në zgjedhjet e 25 prillit është e shkurtër dhe politika ka ende shumë punë për të bërë, ndërsa theksoi se zgjedhjet e lira dhe të ndershme janë me rëndësi për të ardhmen e vendit.