Ekskluzive/ 60% e pagës 'ngec' në dekretin e gjyqtarëve, SPAK 2 kërkesa Kuvendit: Duam shtesën!

Prokurorët e SPAK prej 6 muajsh nuk marrin shtesën e pagës 60% për vështirësinë e punës, mbi të cilën kanë zgjedhur këtë detyrë. Shkak është bërë përfshirja e tyre në të njëjtin ligj me betimin e gjyqtarëve kushtetues, të cilin presidenti Meta e ka kthyer pas në Kuvend. Dekreti ka mbetur në Parlament, pa u marrë ende në shqyrtim, edhe pse SPAK i ka dërguar 2 shkresa Kuvendit, ndër të cilat kërkon që të caktohet edhe paga e drejtorit të Byrosë Kombëtare të Hetimit.