PSV Garuda Vega is receiving a positive response from the audience. The movie directed by Praveen Sattaru starring Rajasekhar, Pooja Kumar, Kishore and Shraddha Das in the lead roles.
హీరో రాజశేఖర్ గురించి చెప్పుకోవడానికి ఈ మధ్య కాలంలో ఒక మంచి సినిమా అంటూ లేకుండా పోయింది. చాలా కాలం తర్వాత రాజశేఖర్ తన సత్తా నిరూపించుకుంటూ 'పిఎస్‌వి గరుడ వేగ' చిత్రం ద్వారా ప్రేక్షకుల ముందుకొచ్చారు.
గుంటూరు టాకీస్, చందమామ కథలు సినిమాలతో తనకంటూ ప్రత్యేక గుర్తింపు తెచ్చుకున్న దర్శకుడు ప్రవీణ్ సత్తారు ఈ చిత్రానికి దర్శకత్వం వహించారు. యాక్షన్ థ్రిల్లర్‌గా తెరకెక్కిన 'పిఎస్‌వి గరుడ వేగ' సినిమా ప్రేక్షకులను ఏ మేరకు ఆకట్టుకుందో రివ్యూలో చూద్దాం.
‘పిఎస్‌వి గ‌రుడ‌వేగ 126.18ఎం' సినిమాలో రాజశేఖర్ పెర్ఫార్మెన్స్ ప్రశంసించే విధంగా ఉంది. యాక్షన్ సన్నివేశాల్లో మెప్పించాడు. ఇక పెర్ఫార్మెన్స్ పరంగా కూడా ఏ మాత్రం తగ్గకుండా అదరగొట్టాడు. లుక్స్ పరంగా కూడా బావున్నాడు.
సినిమాలో ఇతర నటీనటుల గురించి మాట్లాడుకుంటే.... రాజశేఖర్ భార్య పాత్రలో పూజా కుమార్ కనిపించేది తక్కువ నిడివే అయినా ఉన్నంతలో ఆకట్టుకుంది. సినిమాలో అత్యంత కీలకమైన పాత్రలో అదిత్ అరుణ్ నటించాడు. రాజశేఖర్‌తో అతడి కాంబినేషన్ బావుంది. శ్ర‌ద్ధాదాస్ ఇన్వెస్టిగేటివ్ జ‌ర్న‌లిస్ట్ పాత్ర‌ ఓకే.