بلدنا بالمصري: اتبسطوا .. احنا معندناش حاجة خالص

يسعد مساكم وحلقة جديدة من بلدنا بالمصري.. هنبدأها ببشرة خير إننا والحمد لله ما عندناش حاجة خالص: ما عندناش قناصة وما عندناش كوتشي وما عندناش رصاص حي ولا خرطوش ولا قنابل غاز ولا أي حاجة وكله تمام والآشية معدن.. وعلى فكرة، ولا عندنا كمان "أزمة بنزين".. إيزيكم بجاااه؟!!! احنا الحمد لله قدر ولطف ماعندناش غير هم شوية "تهيآت" بسبب تغيير الجو، ويروحوا لحالهم ويا دار ما دخلك شر وبالشفا انشاء الله!!!

طيب نسمع تصريحات وزير البترول النهاردة نصدقه ونقول فرجت والحمد لله، نشوف الأمور في بر مصر نستعجب.. ما هو يا نكدب عينينا يا نكدب عينينا وناخدها من قاصرها ونكدب نفسنا!!!