Dear Chixie,
Maayong adlaw. Please call me Niña. Kining akong problema kabahin kini sa friendship and love. I have a bestfriend nga tawgon lang nato sa pangalan nga Bea. Elementary palang mi, suod nami hangtud nga nag-college mi. Parehas mi og kurso nga gikuha ni Bea which is Business Administration ug parehas sab mi og tunghaan. Classmates mi sa tanang subjects, Chixie, kay di mi ganahan nga magkabuwag. Naa mi nakaila nga classmate sa usa ka minor subject nga si Jerome. Nagkasuod ming tulog Chixie ug wala gyud nako malikayi nga naibog ko kang Jerome. Apan, akong gitago akong feelings sa dihang nahibaw-an nako nga nanguyab siya kang Bea. Wala magdugay Chixie, nagkauyab gyud sila.
Nahuman ang first sem ug nausab gyud ang dagan sa among kinabuhi. Panagsa nalang mi magkakuyog ni Bea kay dili nami classmates sa tanang subjects. Gi-adjust man gud niya ang iyahang schedule sa schedule ni Jerome para magkakuyog sila pirmi. Nasakitan ko Chixie apan wa koy mahimo. Until, nagkabuwag silang duha. Sukad nagbuwag sila, kami na ni Jerome ang pirmanente nga magkuyog kay dinhi siya magpa-comfort nako. Human sa pila ka buwan, gihagad ko niya og date. Wala ko kasabot sa akong gibati, Chixie. Nalipay ko nga finally, natagad nako ni Jerome. Apan naguol pud ko kay mahadlok ko sa reaksyon ni Bea kon iyang mahibaw-an nga makig-date ang iyang ex sa akoa.
Angay ba nga akong pahibaw-on si Bea bahin ani? Ganahan kaayo ko ni Jerome apan dili pud ko ganahan nga maguba among panaghigalaay ni Bea.
Niña