Dear Chixie,
Maayong hapon kaninyong tanan. Tawga lang ko sa pangalan nga Ed. Kini akong problema kabahin sa pamilya sa akong wife-to-be nga si Mona. Nagplano nami ni Mona Chixie nga magpakasal. Gani, dako kaayo akong kalipay dihang nisugot siya nga magpakasal nami kay sa tinuod lang na-pressure ko sa iyang pamilya.
Adunahan ang pamilya ni Mona. Aduna silay mga negosyo, samtang ako gikan sa ordinaryo nga pamilya. Ma-intimidate pa ko sa iyang pamilya Chixie bisan kon dugay naming uyab ni Mona. Plano namo ni Mona nga intimate lang ang among kasal ug 60 ra ka tawo ang among imbitaron. Nakadecide pud ko Chixie nga akoy mogasto sa among wedding. Apan dihang nagpahibawo si Mona sa iyang ginikanan, supak ang iyang amahan nga simple ra ang among kasal. Giprangkahan ko sa iyang papa kon dili ba ko maka-afford og engrande nga kasal alang sa iyang anak. Gani, Chixie, ni-offer ang iyang amahan nga silay mogasto apan wa ko misugot. Ganahan nakong ipakita sa ilaha Chixie nga kaya nakong buhion ang ilang anak bisan paman sa simple nga kinabuhi. Karon ang akong problema kay giingnan mi sa iyang papa nga dili siya mosugot sa kasal kon dili engrande ang wedding.
Kaya man nakong mahatag ang engrande nga wedding kang Mona Chixie apan kinahanglan pagyud kong magtigom. Unsa ang akong buhaton?
Ed