Një zjarr ka përfshirë një servis makinash, në Rrushbull të Durrësit, pasditen e kësaj të shtune.

Menjëherë në vendngjarje kanë mbërritur 5 makina zjarrëfikëse të cilat kanë bërë të mundur izolimin e përhapjes të mëtejshme të flakëve.

Policia ka evakuuar zonën përreth servisit dhe kanë marrë masa për devijimin e qarkullimit dhe moslejimit të asnjë automjeti në afërsi të vendngjarjes.

Grupi hetimor ka mbërritur menjëherë në vendin e ngjarjes, ku vijon puna për zbardhjen e rrethanave dhe shuarjen e plotë të zjarrit.

Durrës/Informacion paraprak

Më datë 01.02.2020, rreth orës 19:55, në Rrushbull, sa kalon shinat e trenit, ka rënë zjarr në një servis për shitje pjesë këmbimi për automjete.

Në vendngjarje kanë shkuar 5 makina zjarrfikëse ku aktualisht është bërë e mundur izolimi i përhapjes së mëtejshme të flakëve.

Forcat e Ndërhyrjes së Shpejtë të Tiranës, shërbimet e Drejtorisë Vendore të Policisë dhe të Komisariatit të Policisë Durrës po evakuojnë banorët përreth, duke i larguar nga jashtë perimetrit të sigurisë.

Shërbimet e Policisë rrugore të Durrësit kanë marrë masa për devijimin e qarkullimit dhe mos lejimin e kalimit të asnjë automjeti në afërsi të servisit të përfshirë nga flakët.

Në vendngjarje ndodhet dhe grupi hetimor, ku vijon puna për zbardhjen e rrethanave të rënies së zjarrit në këtë servis.

Vijon puna për shuarjen e plotë të zjarrit.


Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV

Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#Zjarr#Durrës#TopChannel