Xhaçka: Zgjedhjet nuk i ndal dot opozita me molotov, dhe as krerët e opozitës në Presidencë

Ministrja e Mbrojtjes Olta Xhaçka foli nga Burreli lidhur me vendimin e presidentit Ilir Meta për anulimin e 30 qershorit. Ajo tha se zgjedhjet nuk mund t'i ndalojë as opozita me molotov në shesh dhe as ndonjë nga krerët e opozitës në presidencë.

"Nuk ka pasur asnjëherë një dallim mes asaj që përfaqësojmë ne dhe ata. Këto nuk janë thjesht zgjedhjet lokale por nje referendum për t'i dhënë fund tranzicionit. Një grup i vogël politikanësh kanë vënë para interesat e tyre. Zgjedhjet do të mbahen në 30 qershor, jo se e tha kryeministri por sepse e parashikon kushtetuta. këtë nuk e ndaj dot as opozita me molotov në shesh dhe as ndonjë nga krerët e opozitës në presidencë", tha Xhaçka.