Mosdekretimi i Lleshit nga Meta, Basha: Presidenti ka kompetencat e tij kushtetuese

Nga Korça ku po zhvillon një takim dy-ditor me takime në këtë qark, kryetari i Partisë Demokratike, Lulzim Basha, përveç akuzave në drejtim të qeverisë Rama, ka komentuar edhe vendimin e Presidentit Ilir Meta për të mosdekretuar gjeneralin Sandër Lleshi si ministër i Brendshëm.

Basha ka thënë se Meta ka kompetenca që ia njeh kushtetuta. Ai i ka kthyer përgjigje edhe Ramës për SMS-në që ai iu dërgoi dje deputetëve të PS, që të mos komentonin vendimin e Metës.

Presidenti ka kompetencat e tij kushtetuese dhe jam i sigurt që ai do të japë të gjitha për aspektin kushtetues për dekretin e ministrit të Brendshëm të propozuar nga Rama. Një gjë është e sigurt, që lëvizja e ardhshme në atë që nuk është lojë shahu, por ka të bëjë me fatin e shqiptarëve, është largimi i vetë Edi Ramës.

Lulzim Basha, kryetar i PD