Bigg Boss Season 2 Telugu : Nutan Naidu Suggesting Kaushal

Bigg Boss Telugu 2 Day 8 highlights. Bigg Boss instructs the contestants to pair up and nominate others for elimination. The new member, Nandini introduces herself and tries to blend in with the housemates.

బిగ్ బాస్ సీజన్ 2లో ఎంటర్‌టైన్మెంట్ డోస్ పెరుగుతోంది. నాని చెప్పినట్టు రోజు రోజుకీ ఇంకొంచెం మసాలా దట్టిస్తున్నారు. సంజన ఎలిమినేట్ కావడం, ఆమె స్థానంలో మరో బ్యూటీ నందిని ఎంట్రీ ఇవ్వడం షోకి కలిసొచ్చింది. నందిని ఎంట్రీతో బిగ్ బాస్ హౌజ్‌కి కొత్త గ్లామర్ వచ్చింది. అంతేకాకుండా హౌజ్‌మేట్స్‌లో కొత్త ఉత్సాహం కూడా వచ్చింది. ముఖ్యంగా తేజస్వికి. సంజన వెళ్లిపోయి ఆమె స్థానంలో నందిని రావడం ఎంతో బాగుందని తన మనసులో మాటను బయటపెట్టేసింది.
సింకులో నీళ్లు జామైపోయాయని హౌజ్‌మేట్స్‌పై భానుశ్రీ సీరియస్ అయ్యింది. తాను సింకులో ఏమీ లేకుండా శుభ్రం చేస్తే ఎవరో కావాలని అందులో కత్తులు వేశారని మండిపడింది. ‘మధ్యాహ్నం అందరూ ఎంజాయ్ చేస్తుంటే నేను గంటసేపు ఇక్కడ క్లీన్ చేశా. సిగ్గులేకుండా ఎవరు చేశారు ఈ పని’ అంటూ చిర్రుబుర్రులాడింది. మధ్యలో కౌశల్ కలుగజేసుకుంటే అతనిపై కూడా అరచింది. ‘నువ్వు వేశావా కత్తులు. మరి మధ్యలో నీకెందుకు’ అంటూ ఆగ్రహం వ్యక్తం చేసింది.