Aksident në Gjirokastër, kamionçina i përplas në anë të rrugës, vdesin dy gra, rëndë një tjetër

Një aksident i rëndë rrugor ka ndodhur në Gjirokastër, me pasojë vdekjen e dy personave dhe plagosjen e një tjetri. Policia njofton se kanë humbur jetën dy gra dhe është plagosur rëndë një tjetër, teksa janë përplasur në anë të rrugës nga një kamionçinë.

Përplasja ka rezultuar fatale për shtetaset H.Ç e S.K banuese në Lazarat, ndërsa shtetasja tjetër ndodhet në spital në gjendje të rëndë për jetën. Ngjarja ka ndodhur në fshatin Jorgucat, ku mjeti që ka përplasur gratë drejtohej nga shtetasi Leonidha Klemo, banues në Gjirokastër.