يوسف الحسيني لـ البلتاجي: أنت شاغل دماغك بالقضاء ليه ؟ .. ريح شوية وخدلك أجازة

كلام جميل يادكتور مرسى ، لكن جماعتك ليها رأى أخر ، جماعتك بأدواتها زى "جبهة ضمير خيرت الشاطر" اللى البلتاجى قيادى فيها لسة مصممه على أن القضاء فاسد وعلى أن القانون اللى قدمة الحرية والعدالة والقانون اللى قدمة حزب الوسط لمجلس الشورى قانون جيد ولا يهدف لأخونة القضاء رغم اعتراض جميع الهيئات القضائية عليه خاصة البند المتعلق بتقليل سن التقاعد ل60 عاما - نشوف البلتاجى أدهم صبرى قال ايه امبارح فى المؤتمر الصحفى لجبهة ضمير خيرت الشاطر .
البلتاجى ملياراتسسس ، احترت فيه الصراحة ، هو خلاص تخلى عن حلمة ودورة المعروف فى تطهير المؤسسات الأمنية وقال اشغل نفسى شوية بتطهير القضاء ، ياسيد بلتاجى الدنيا ما بتجيش بالدراع ، قانون السلطة القضائية لازم القضاة نفسهم يوافقوا عليه ويتم مناقشته على أوسع نطاق ويعرض على البرلمان القادم ، وبعدين احنا عاوزين نعرف هو مرسى اجتمع برؤوساء الهيئات القضائية وخلاص اتفقوا أن القضاة هيعملوا مؤتمر للعدالة وهيناقشوا قانون السلطة القضائية واللى هيخرجوا بيه هيتعرض على المجلس التشريعى ليه انت بقى شاغل نفسك يابلتاجى ، ارحم نفسك يابلتاجى وحاول تاخدلك أجازة .
تابعونا على صفحتنا http://www.facebook.com/alSadahalMo7taramon