أما ردود الأفعال على مواقع التواصل الاجتماعي فانقسمت ما بين مؤيد ومعارض.. مظاهر التاييد ظهرت في صورة تاسيس صفحات جديدة على فيس بوك لتاييد الشاطر.. أو اعلان التاييد غير المشروط ليه على معظم الصفحات والمواقع المنتمية للجماعة أو اللي بيديرها أعضاء في الجماعة او من المتعاطفين معاها

دة غير طبعاً الصفحة الرسمية اللي اسسها حزب الحرية والعدالة باسم "خيرت الشاطر رئيسا لمصر".. وصل المعجبين بيها في اقل من 24 ساعة لحوالي 47 ألف.. لكن الحقيقة ان مش كل التعليقات اللي عليها مؤيدة للترشيح ولا حتى لصالح خيرت الشاطر

في المقابل، مظاهر المعارضة لترشح خيرت الشاطر للرئاسة واخدة هي كمان حدها.. وبرده من ابرز مظاهرها تاسيس صفحة باسم "لن انتخب خيرت الشاطر" وغيرها من الصفحات لكن يمكن الصفحة ديه بالذات هي اللي سجلت نوع من الاقبال اللي مش بطال في عدد ساعات قليلة