بلدنا بالمصري: مصر - إسكندرية رايح جاي في أمانة الله
- 12 years ago
كل يوم والتاني نسمع كلام رايح جاي عن البلطجية وقطاع الطرق، اللي منشفين دم الناس في الرايحة والجاية ومحددين اقامتهم ومش مخلينهم عارفين يتعتعوا من أماكنهم، وخصوصاً على طرق السفر، والدنيا صيف وحر ورمضان داخل والناس نفسها تصيف لكن خايفة لحسن الطوبة تيجي في المعطوبة ويطلع عليهم قطاعين الطرق وتبقى حكاية.. ويمكن فيه ناس كتير فعلاً اتعرضت لمواقف زي ديه ما احنا في الاخر ما احناش في الجنة، بس خلونا نسمع كمان كلام الناس اللي جمدت قلبها وخدت طريق مصر اسكندرية رايح جاي في أمانة الله