सोनीवर इंडियाज बेस्ट डान्सर सिझन २चा महाअंतिम सोहळा नुकताच पार पडला. या शोला प्रेक्षकांचा खूप चांगला प्रतिसाद मिळाला. एकूण पाच स्पर्धक अंतिम फेरीत पोहोचले होते.पुण्याची मराठमोळी सौम्या कांबळे ही 'इंडियाज बेस्ट डान्सर सिझन-2' ची विजेती ठरली आहे. हा शो जिंकल्यानंतर सौम्यावर बक्षिसांचा आणि शुभेच्छांचा पाऊस पडला आहे. सौम्याने प्रेक्षकांची देखील मनं जिंकली होती. विशेष म्हणजे सौम्याला 15 लाखांचा धनादेश देत तिचा सन्मान करण्यात आला तसेच गिफ्ट म्हणून स्विफ्ट कार देखील देण्यात आली आहे. तिला इंडियाज बेस्ट डान्सरची हेलन असं म्हणलं जात होतं. फिनालेमध्ये सौम्याने वर्तिकासोबत बेली डान्स आणि फ्री-स्टाईल अॅक्ट केले. विजेता झाल्यावर सौम्याने सांगितले की, तिच्या आईचे स्वप्न आहे की, तिने डान्सर म्हणून नाव मोठे करावे तर सौम्याच्या वडिलांची इच्छा आहे की, तिने डॉक्टर व्हावे. ट्रॉफी जिंकल्यानंतर सौम्या म्हणाली की, “मी माझ्या भावना शब्दात व्यक्त करू शकत नाही. मी खूप भावूक झाले आहे. मी त्या सर्वांचे आभार मानू इच्छिते ज्यांनी मला इथपर्यंत येण्यासाठी मदत केली.