مابين مأساة "سبعبع" ومعاناة ميريام فارس.. فرق السما من الأرض | ترندنج زون

#المدار #ترندنج_زون #شريف_الدسوقي
موقف إنساني مؤلم وأزمة بقالها اكتر من 3 شهور انتهت بمأساة.. كلمتين تقدر تلخص بيهم حكاية الفنان شريف الدسوقي اللي وجعت قلب كتير مننا. شريف الدسوقي اتشهر بدوره في مسلسل بـ100 وش في دور "سبعبع" ابتدى حلمه اللي اتأخر سنين يتحقق .. لكن للأسف فرحته مكملتش. أثناء تصوير فيلم وقفة رجالة اتصاب الدسوقي في رجله.. ولأنه مصاب بالقدم السكري الجرح لم يلتئم وكان البتر حل بيطرحه الأطباء.. شريف الدسوقي وجه نداءات كتير لنقابة المهن التمثيلية وشركة انتاج الفيلم اللي طالبها بدفع الجزء المتبقي من أجره عشان يعالج رجله. لكن للأسف اتوجه له اتهامات بالنصب ولاحقته إشاعات كتير منها الهروب من المصحة النفسية وادمانه للكحول.. وظهر بعدها مع الإعلامي عمرو أديب في محاولة للدفاع عن نفسه
وفي تربو تريند.. شبكة "نتفليكس" كشفت إنها تستعد لطرح فيلم وثائقي جديد للفنانة اللبنانية ميريام فارس بعنوان "Myriam Fares -The journey”. اللي بيحكي معاناة ميريام أثناء فترة العزل الصحي بسبب كورونا.. خبر عادي.. لا مش عادي.. هجووم ساحق.. الناس شافت ان معاناة مريام أثناء الحجر بالنسبالهم استجمام. ميريام وكنوع من الترويح نشرت مجموعة من الصور من الفيلم التسجيلي وكتبت.. غدارة يا دنيا.. ده مشروع ميكروباص يا مريام مش وثائقي. بعد اذاعة حلقة فريندز المنتظرة Friends Reunion.... عنوانها الأبرز كان.. وعملت ايه فينا السنين.. ابطال فريندز الستة قالوا ان الموضوع كان عاطفي جدا بالنسبة لهم لدرجة انهم كانوا بيدخلوا في موجات بكاء .. واحنا كمان
تقديم: مريم الشاذلي

تابعوا قناتنا علي اليوتيوب من هنا .. https://bit.ly/39eP5wY
تابعونا علي الفيس بوك من هنا .. https://www.facebook.com/elmadartv
تابعونا علي تويتر من هنا.. https://twitter.com/elmadartv
تابعونا على إنستجرام من هنا.. https://www.instagram.com/elmadartv/