Ekzekutimi i vëllait të Talo Çelës/Policia e Elbasanit dhe RENEA sërish pika kontrolli në Bradashesh

ELBASAN- Prej tre ditësh, uniformat blu kanë ngritur pika kontrolli të shumta në pikat kryesore hyrje-daljet në qytete. Edhe këtë të shtunë, uniformat blu të policisë së Elbasanit së bashku me Forcat Shqiponja janë pozicionuar në rrethrrotullimin e Bradasheshit, ku po ushtrojnë kontrolle të shumta.

Vrasjet e ndodhura gjatë këtyre ditëve, së fundit atentati ndaj vëllait të Talo Çelës, Bujar Çela kanë ngritur në këmbë strukturat e policisë e cila ka nisur kontrollet thuajse në të gjitha qarqet e vendit jo vetëm për të kapur autorët e ngjarjeve të fundit kriminale, por edhe evidentimin e elementeve kriminal si dhe personave në kërkim.