ಚಿರು ಸಿನಿಮಾಗೆ ವಾಯ್ಸ್ ಡಬ್ಬಿಂಗ್ ಮಾಡ್ತಿದ್ದಾರೆ ಧ್ರುವ ಸರ್ಜಾ |Dhurva Sarja Voice Dubbed to chiru movie

ಚಿರಂಜೀವಿ ಸರ್ಜಾ ನಮ್ಮನ್ನೆಲ್ಲ ಅಗಲಿ ಈಗಾಗಲೇ ಎರಡು ವಾರಗಳು ಕಳೆದು ಹೋಗಿವೆ, ಹೀಗಿರುವಾಗ ಚಿರು ನಿಧನವಾದ ಬೆನ್ನಲ್ಲೇ ಚಿರು ಒಪ್ಪಿಕೊಂಡ ಚಿತ್ರಗಳ ಕಥೆ ಏನು ಅನ್ನೋ ಮಾತುಗಳು ಸಹ ಕೇಳಿ ಬರ್ತಾ ಇದೆ. ಅಷ್ಟೇ ಅಲ್ಲದೇ ಚಿರು ಸುಮಾರು 5 ರಿಂದ 6 ಸಿನಿಮಾಗಳನ್ನು ಒಪ್ಪಿಕೊಂಡಿದ್ದರು ಅನ್ನೋ ಮಾತುಗಳು ಇದ್ದು, ಅದರಲ್ಲಿ ಕೆಲವು ಸಿನಿಮಾಗಳೂ ಶೂಟಿಂಗ್ ಮುಗಿಸಿದ್ರೆ, ಇನ್ನು ಕೆಲವು ಸಿನಿಮಾಗಳು ಇನ್ನು ಶೂಟಿಂಗ್ ಹಂತದಲ್ಲಿ ಇದ್ದವು, ಇನ್ನು ಕೆಲವು ಸಿನಿಮಾ ಸೆಟ್ಟೆರಬೇಕಾಗಿತ್ತು, ಅದರಲ್ಲಿ ಪ್ರಮುಖವಾಗಿ `ಏಪ್ರಿಲ್' ಸಿನಿಮಾ ಚಿತ್ರ ಮುಹೂರ್ತವಾದ್ದರೂ, ಸಿನಿಮಾ ಶೂಟಿಂಗ್ ಮುಗಿಸಿರಲಿಲ್ಲ, ಇದರ ಜೊತೆಯಲ್ಲಿ `ರಾಜ ಮಾರ್ತಾಂಡ' ಮತ್ತು `ಕ್ಷತ್ರಿಯ' ಸಿನಿಮಾ ಕೂಡ ಒಪ್ಪಿಕೊಂಡಿದ್ದು,. ಇದರಲ್ಲಿ ಕ್ಷತ್ರಿಯಾ ಸಿನಿಮಾ ಶೇ.60 ಶೂಟಿಂಗ್ ಮುಗಿಸಿದ್ರೆ `ರಾಜ ಮಾರ್ತಾಂಡ' ಸಿನಿಮಾ ಒಂದು ಹಾಡಿನ ಶೂಟಿಂಗ್ ಮತ್ತು ಚಿರು ಭಾಗದ ಡಬ್ಬಿಂಗ್ ಮಾತ್ರ ಬಾಕಿ ಇತ್ತು. ಈಗ ಈ ಚಿತ್ರದ ಡಬ್ಬಿಂಗ್ ಕೆಲಸವನ್ನು ಜುಲೈ ತಿಂಗಳಿನಲ್ಲಿ ಶುರುಮಾಡಲು ಚಿತ್ರತಂಡ ರೆಡಿಮಾಡಿಕೊಂಡಿದ್ದು, ಈ ಚಿತ್ರದ ಚಿರು ಭಾಗದ ಡಬ್ಬಿಂಗ್ ಅನ್ನು ಧ್ರುವ ಸರ್ಜಾ ಮಾಡಿ ಮುಗಿಸಿಕೊಡಲಿದ್ದಾರೆ ಅನ್ನೋ ಮಾಹಿತಿ ಈಗ ಲಭ್ಯವಾಗಿದೆ. ಜುಲೈ ತಿಂಗಳಲ್ಲಿ ಧ್ರುವ ಸರ್ಜಾ `ರಾಜ ಮಾರ್ತಾಂಡ' ಚಿತ್ರಕ್ಕೆ ಧ್ರುವ ಸರ್ಜಾ ಡಬ್ಬಿಂಗ್ ಮಾಡಿಕೊಡಲಿದ್ದಾರಂತೆ. ಇದರ ಜೊತೆಯಲ್ಲಿ ಕ್ಷತ್ರಿಯಾ ಚಿತ್ರದ ಶೇ 60 ರಷ್ಟು ಶೂಟಿಂಗ್ ಮುಗಿದಿರುವ ಹಿನ್ನೆಲೆಯಲ್ಲಿ ಜುಲೈ ತಿಂಗಳಿನಲ್ಲಿ ಆ ಬಗ್ಗೆಯು ತೀರ್ಮಾನಗಳನ್ನು ತೆಗೆದುಕೊಳ್ಳಲಾಗುವುದಂತೆ.
ಇನ್ನು ಲಾಕ್‍ಡೌನ್‍ನ ಒಂದು ದಿನ ಮುಂಚೆ ರಿಲೀಸ್ ಆಗಿದ್ದ `ಶಿವಾರ್ಜುನ' ಸಿನಿಮಾ ಮತ್ತೆ ರೀ ರಿಲೀಸ್ ಮಾಡೋ ಪ್ಲಾನ್‍ನಲ್ಲಿ ಇದ್ದಾರೆ, ಚಿತ್ರದ ನಿರ್ಮಾಪಕ ಶಿವಾರ್ಜುನ ಚಿತ್ರಮಂದಿರದಲ್ಲಿ ಚಿತ್ರಪ್ರದರ್ಶನಕ್ಕೆ ಸರ್ಕಾರದಿಂದ ಅನುಮತಿ ದೊರೆದ ಕೂಡಲೇ `ಶಿವಾರ್ಜುನ' ಸಿನಿಮಾ ರೀ ರಿಲೀಸ್ ಮಾಡೋದಾಗಿ ಹೇಳಿಕೊಂಡಿದ್ದಾರೆ. ಒಟ್ಟಿನಲ್ಲಿ ಚಿರು ಇಲ್ಲದ ಹಿನ್ನೆಲೆ ಈಗ ಅಣ್ಣನ ಸಿನಿಮಾಗಳಿಗೆ ತಮ್ಮ ಧ್ರವ ಸರ್ಜಾ ಸಾಥ್ ನೀಡ್ತಾ ಇದ್ದು, ಈ ಹಿಂದೆ ಶಂಕರ್‍ನಾಗ್ ನಿಧನರಾದ ಸಮಯದಲ್ಲಿ ಅಣ್ಣ ಅನಂತ್ ನಾಗ್, `ನಿಗೂಢ ರಹಸ್ಯ' ಚಿತ್ರಕ್ಕೆ ಡಬ್ಬಿಂಗ್ ಮಾಡಿಕೊಟ್ಟಿದ್ರು.