Top News - Djali i gazetarit saudit fal vrasësit e babait të tij

Djali i Jamal Khashoggit, gazetarit saudit, i cili u vra brenda një konsullate saudite në vitin 2018, ka thënë se ai dhe vëllezërit e tij i kanë falur vrasësit e babait të tij.


Përmes një postimi në Twitter më 22 maj, Salah Khashoggi tha se familja e tij po i falte përgjegjësit për vdekjen e babait të tij. Falja, sipas tij, bëhet si pjesë e muajit të shenjtë mysliman të Ramazanit. Jamal Khashoggi, një kritik i qeverisë saudite, u vra në konsullatën saudite në Stamboll në tetor të vitit 2018.

Ai ishte analist i gazetës amerikane Washington Post. Zyrtarët sauditë kishin thënë se vdekja e tij ishte rezultat i një ?operacioni mashtrues? dhe nuk ishte organizuar nga shteti. Por, autoritetet më vonë ndryshuan deklarimin e tyre dhe thanë që Khashoggi ishte vrarë në një operacion të fshehtë nga një ekip që kishte shkuar ta rrëmbente atë dhe ta sillte në Arabinë Saudite.

Dhjetorin e kaluar, një gjykatë saudite dënoi me vdekje pesë persona, për rolin e tyre në vrasjen e tij. Megjithatë, një hetues i posaçëm i Kombeve të Bashkuara ka bërë thirrje për një hetim të pavarur të rastit.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#JamalKhashoggi#SalahKhashoggi#TopChannel