چلو ہم ہی پہل کر دیں کہ ہم سے بد گماں کیوں ہو
کوئی رشتہ ذرا سی ضد کی خاطر رائیگاں کیوں ہو

میں زندہ ہوں تو اس زندہ ضمیری کی بدولت ہی
جو بولے تیرے لہجے میں بھلا میری زباں کیوں ہو

سوال آخر یہ اک دن دیکھنا ہم ہی اٹھائیں گے
نہ سمجھے جو زمیں کے غم وہ اپنا آسماں کیوں ہو

ہماری گفتگو کی اور بھی سمتیں بہت سی ہیں
کسی کا دل دکھانے ہی کو پھر اپنی زباں کیوں ہو

بکھر کر رہ گیا ہمسائیگی کا خواب ہی ورنہ
دیئے اس گھر میں روشن ہوں تو اس گھر میں دھواں کیوں ہو

محبت آسماں کو جب زمیں کرنے کی ضد ٹھہری
تو پھر بزدل اصولوں کی شرافت درمیاں کیوں ہو

امیدیں ساری دنیا سے وسیمؔ اور خود میں ایسے غم
کسی پہ کچھ نہ ظاہر ہو تو کوئی مہرباں کیوں ہو


chalo ham hī pahal kar deñ ki ham se bad-gumāñ kyuuñ ho
koī rishta zarā sī zid kī ḳhātir rā.egāñ kyuuñ ho

maiñ zinda huuñ to is zinda-zamīrī kī badaulat hī
jo bole tere lahje meñ bhalā merī zabāñ kyuuñ ho

savāl āḳhir ye ik din dekhnā ham hī uThā.eñge
na samjhe jo zamīñ ke ġham vo apnā āsmāñ kyuuñ ho

hamārī guftugū kī aur bhī samteñ bahut sī haiñ
Kisī kā dil dukhāne hī ko phir apnī zabāñ kyuuñ ho

bikhar kar rah gayā hamsā.egī kā ḳhvāb hī varna
diye is ghar meñ raushan hoñ to us ghar meñ dhuāñ kyuuñ ho

mohabbat āsmāñ ko jab zamīñ karne kī zid Thahrī
to phir buzdil usūloñ kī sharāfat darmiyāñ kyuuñ ho

ummīdeñ saarī duniyā se 'vasīm' aur ḳhud meñ aise ġham
kisī pe kuchh na zāhir ho to koī mehrbāñ kyuuñ ho


Facebook:
https://web.facebook.com/ZeeandPoetry

Twitter:
https://twitter.com/ZeeandPoetry

Instagram:
https://www.instagram.com/zeeandpoetry/

#Zee&Poetry