Vladimir Putin, mbërriti në Stamboll një ditë përpara ceremonisë së inagurimit të gazsjellësit ?Rrjedha Turke?, ku është i ftuar nderi në krah të presidenti turk Reccep Tayyip Erdogan, i cili ka kohë që kërkon të kthejë vendin e tij në një qendër energjetike.


Rrjedha Turke është një projekt për të cilin është punuar prej 5 vjetësh tashmë dhe ka një kosto prej afro 8 miliardë dollarësh. Gazsjellësi do të transportojë gazin rus në Turqi, me gjysmën e vëllimit që rrjedh më tej në Ballkan dhe Europën Qendrore, përfshirë Bullgarinë, Serbinë dhe Hungarinë. Ky projekt është pjesë e qëllimit afatgjatë të Rusisë për të zvogëluar ose përfunduar tranzitin e gazit përmes Ukrainës. Putin udhëtoi drejt Ankarasë nga Damasku, ku zhvilloi bisedime me presidentin sirian Bashar al-Asad.

Në ceremoninë e inaugurimit në Stamboll, do të jetë I pranishëm edhe presidenti serb, Aleksandar Vuçiç. Vuçiç do të takohet gjatë kësaj ndalese me Erdoganin, Putinin si dhe kryeministrin bullgar Boyko Borisov. Tubacioni i ri është praktikisht pasardhës i Rrjedhjes Jugore, ndërtimi i së cilës u braktis nga Moska dhjetorin e vitit 2014 sepse nuk arriti të respektonte rregullat e Bashkimit Europian.

Këto rregulla e bënin të qartë se një kompani nuk mund të zotërojë edhe gazin, edhe tubacionin. Rrjedhja turke ka shkaktuar që tani shqetësime për shkak të vendimit që Agjencia serbe e Energjisë pat nxjerrë në 5 mars të 2019-tës, duke e përjashtuar tubacionin e ri nga rregullat e BE-së dhe duke mos përmbushur të gjitha kushtet e përcaktuara nga Komuniteti i Energjisë si një organ rregullator europian.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV

Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#VladimirPutin#RCErdogan#TopChannel