Policia aksion me radarët 'TruCam' në të gjithë vendin, pezullohen 176 patenta

Në vetëm 24 orë monitorimi në të gjithë vendin tonë janë pezulluar pezulluar 176 leje drejtimi për shpejtësi tej normave të lejuara, nga këto: 51 në Tiranë, 47 në Durrës, 49 në Lushnjë-Fier nga njësia Operacionale e Policisë Rrugore, 15 në Lezhë dhe 14 në Elbasan.

Njëkohësisht, në të gjithë vendin janë vendosur 235 masa administrative për mosrregullim shpejtësie, veçanerisht në qendrat e banuara dhe shpejtësi jo më shumë se 20 km/h mbi normat e lejuara.