Ala Eini - Warda عـــلى عــيــنــى - وردة | حفل دبي

أغنية : عـــلى عــيــنــى - حفل أفراح آل مكتوم بدبي
كلمات الشاعر الغنائي عبد السلام أمين
ألحان الموسيقار حلمي بكر
غناء : مطربة الأجيــــــال وردة
عزف الفرقة الماسية - أحمد فؤاد حسن - حسن أنور- محمود عفت - محسن عدلي
جزيل الشكر والإمتنان للأستاذ عاصم المغربي
******
على عيني يا حبة عيني جاية لك هوا
افرش لي الرموش دفيني من نسمة هوا على عيني
لو بينك بحور وبيني حانعدي سوا
عطشانة هواك .. يسقيني محسودة عينيك .. ترقيني
تعبانة و مين يداويني ومعاك الدوا
على عيني يا حبة عيني
******
جايه لك نخلي الدنيا طول ما احنا سوا حاجة تانية
ياما .. لسه ياما .. لسه الحياة قدامنا وخسارة نضيع ثانية
وان طال السهر ونسني وان نامت عينيا احرسني
و بلمسة حنان صحيني للنور والهوا
عطشانة هواك يسقيني محسودة عينيك ترقيني
على عيني يا حبة عيني
******
دانا .. دانا روحي عليك ملهوفة
تايهة ... وضحكتي مخطوفة
ويشوفوا عيني يقولوا مال عينيك ؟ أقول مطروفة
والشوق والحنين كحلها سهرها وغير حالها
شوف عيني يا حبة عيني كحلها الهوى
عطشانة هواك يسقيني محسودة عينيك ترقيني
على عيني يا حبة عيني
******
أتنهد يقولوا مالك مشغولة ايه اللي جرالك
يابخت اللي واخذ عقلك ياهناه اللي شاغل بالك
ويقولوا علينا يقولوا على ايه هم يعني يطولوا
دانا عقلي وروحي وعيني عايشين للهوى
عطشانة هواك يسقيني محسودة عينيك ترقيني
على عيني يا حبة عيني جاية لك هوا
افرش لي الرموش دفيني
من نسمة هوا
******