Të dielën katër ndeshje të Superligës, Ahmataj me Tiranën debuton ndaj skuadrës që e shkarkoi

Me përjashtim të sfidës Partizani-Kukësi që luhet të hënën, të dielën do të jenë katër sfida të vlefshme për javën e dhjetë të Superligës. Në Gjirokastër do të debutojë në krye të Tiranës trajneri Julian Ahmataj, që për koicidencë sezonin e kaluar u largua nga drejtuesit gjirokastrit me motivin se kishte toleruar në favor të bardhebluve. Pas largimit të Memës pritet me interes si formacioni që do të hidhet në fushë ashtu edhe rezultati i takimit. 24 herë kampionët e vendit vijnë pas disfatës me Bylisin.

Ndërkohë Vllaznia do të luajë në transfertën e Laçit një sfidë mjaft delikate. Shkodranët gjenden në vendin e tretë dhe në ndeshjen e fundin fituan ndaj Flamurtarit, por këtë herë duhet të bëjnë pa futbollistët Hygor dhe Gligorov.