Pensionet, s’ka të dhëna konkrete për skandalin

Ende nuk ka të dhëna përfundimtare për skandalin me transferimin e fondeve nga Shoqëritë e Pensioneve në Fondin Pensional dhe nga Fondi në Shoqëritë e Pensioneve. Darko Sazdov nga MAPAS thotë se deri në vitin e ri të gjitha përllogaritjet do të përfundojnë dhe gjithçka do të zbulohet. Në fillim të këtij viti, Ministrja e Punës dhe Politikës Sociale, Milla Carovska zbuloi skandalin, për të cilin ngriti procedurë penale. Deri më tani, qeveria ka transferuar 18 milion euro para të arkës së shtetit në shoqëritë e pensioneve për 14.000 persona të siguruar, të cilëve nuk u janë paguar fondet. Sot është Dita Botërore e Vetëdijesimit për Pensione. Agjencia e Mbikëqyrjes së Sigurimeve të Pensioneve të Financuara kapitale, në Sheshin e Qytetit në Shkup zhvilloi një ngjarje informuese dhe argëtuese, në të cilën qytetarët në tre pika patën mundësinë të informohen për të gjitha çështjet në lidhje me pensionet.