ખાંભા/રાજકોટ: આજે 8 સપ્ટેમ્બરે સમગ્ર સૌરાષ્ટ્રમાં સવારથી જ વરસાદી માહોલ જોવા મળી રહ્યો છે વાદળછાંયા વાતાવરણ વચ્ચે ખાંભા પંથકમાં વહેલી સવારે 1થી 4 ઇંચ વરસાદ પડતા ઠેર ઠેર પાણી ભરાયા છે તેમજ લાસા ગામમાં ભારે વરસાદથી રાવલિયો નદીમાં ઘોડાપૂર આવ્યું છે તાતણીયા ધરાવાળા ઘૂનામાં નદીેનું પાણી ઘૂસતા ખોડિયાર મંદિરમાં 5 ફૂટ સુધી પાણી ઘૂસ્યા છે ઉમરીયા ગામમાં 2 કલાકમાં આઠ ઇંચ વરસાદ નોંધાયો છે ગામની ભાગોળે આવેલા પુલ પરથી પાણી ફરી વળ્યા છે ભારે વરસાદથી ઉમરીયા ગામ સંપર્કવિહોણું બન્યું છે ગામની શેરીઓમાં નદીની જેમ પાણી વહી રહ્યું છે