Kryeministri Edi Rama, Presidenti Ilir Meta, ministri i Brendshëm Sandër Lleshaj kanë bërë reagime të vazhdueshme gjatë zhvillimit të protestës së opozitës joparlamentare duke bërë thirrje për distancim nga dhuna.

Ministri Lleshaj përgëzoi punën e eefektivëve dhe i bëri thirrje protestuesve të mos rrezikojnë uniformat blu, ndërsa kryeministri Edi Rama foli për dështim të opozitës dhe trishtim të saj që ka gjetur zgjidhje për të marrë pushtetin sulmin e institucioneve me zjarrvënie.

Dëmi që bëhet tha Rama nuk është ndaj qeverisë, por ndaj Shqipërisë. Edhe Presidenti Ilir Meta bëri disa herë thirrje për qetësi dhe distancim nga aktet e dhunshme por qëndrimi i tij ndryshoi pas ndalimit të Sait Dollapit, sekretarit organizativ të PD-së, ku tha se ai nuk duhej të ishte në polici, por në spital.