الهرمونات هي مواد كيماوية تفرزها الغدد الصماء الغدد الصماء هي غدد تدعى صماء لأنها ليست لها قناوات بتفرز إفرازاتها مباشرة في الدم إفرازاتها دي اللي هي الهرمونات مواد كيماوية قوية جدا بتخرج في الدم وتعمل كأنها ساعي بريد تبلغ أعضاء الجسم أو بعض أنسجته يعني النسيج هو مجموعة خلايا جمب بعضها بتعمل نفس الوظيفة بتبلغهم رسالة من الغدة الصماء فا الهرمون بيعمل إيه؟ مادة كيماوية بتؤثر على الأنسجة نتيجة يعني أمر من الغدة الصماء بأن الرسالة دي تحصل يعني مثلا تؤثر على توازن السكر في جسمنا نشاطنا الجنسي مزاجنا رغبتنا في الجوع أو في الأكل يعني وهكذا فا التغيرات اللي بتحصل في جسمنا الكيماوية دي بتسببها الغدد الصماء اللي بتفرز الهرمونات دي الهرمونات مواد قوية جدا فا علشان كدة أقل كمية منها بتعمل تأثير سواء بالتحفيز أو بالمنع ولو زادت شوية تعمل مشكلة صحية ولو قلت شوية برضه بتعمل مشكلة صحية فا علشان كدة لازم نعرف الجهاز اللي اسمه جهاز الغدد الصماء نعرف إيه الغدد اللي فيه وبتعمل أي هرمونات وإيه وظيفتها كمقدمة إن إحنا نفهم أمراض الجهاز دة الغدد اللي في الجهاز دة هي غدد المهاد التحتاني الغدة النخامية الغدة الصنوبرية غدة درقية جارات الدرقية وحاجة اسمها الـ Thymus البنكرياس والغدد فوق الكلوية وفي النساء عندنا المبيض وفي الرجال الخصيتين هناك أماكن أخرى في الجسم بتعمل هرمونات زي المعدة والكلى وحتى النسيج الدهني بيعمل هرمونات وفي بعض الأمراض زي بعض أنواع السرطانات بتفرز هرمونات علشان كدة بنقول أحيانا إنه في تغيرات هرمونية بتحصل في بعض مرضى السرطان نتيجة السرطان دة خلينا نشوف الأول المهاد التحتاني هي الغدة الرئيسية اللي بتسيطر على باقي الغدد الغدة دي بتؤثر على تنظيم الحرارة في جسمنا وعلى الإحساس بالجوع والعطش والنوم والمزاج والحالة النفسية والرغبة الجنسية وكمان بتسيطر أنها تخلي الغدد الصماء الأخرى تفرز الهرمونات بتاعتها هي عندها زي ما تقول Thermostat ظابط نفسه نفسه على درجة حرارة معينة توازن مياه وأملاح معين وزن معين في الجسم فا لما الحاجات دي تتغير نشرب مياه كتير نشرب مياه قليل كل الحاجات دي هي بترجع تنظم لنا تاني التوازن دة بحيث تحافظ على حياتنا وصحتنا مهم أوي نفهم إنه لو حالتنا النفسية سيئة الغدة دي بتتأثر وبالتالي ها تؤثر على وظائفنا الطبيعية دي إحساسنا بالجوع والعطش والرغبة الجنسية والرغبة في النوم وهكذا طيب تعالوا نشوف الهرمونات اللي بتعملها الـ Hypothalamus اللي هي المهاد التحتاني عندنا هرمون يحفز الهرمون المحفز للدرقية يعني هرمون يحفز هرمون تاني علشان يحفز حاجة تانية في هرمون كمان يحفز الـ Prolactin الهرمون اللي بيحفز الهرمون اللي بيحفز إنتاج الحليب وبعدين هرمونات تحفز الغدة فوق الكلوية وهرمون يحفز إنتاج الهرمون المحفز للنمو وعندنا كمان هرمون تقليل تأثير الهرمون المحفز للنمو علشان لو زاد النمو أوي نوقفه شوية هرمون يحفز الهرمونات التي تحفز الوظائف الجنسية شوفوا هو المدير بتاع كل المديرين التانيين وكمان بيعمل حاجة اسمها Dopamine والـ Prolactin-Inhibiting factors يعني العامل دة بيمنع تأثير الـ Dopamine والـ Prolactin لو زادوا عندنا كمان الغدة النخامية بتفرز .....

Subscribe to official Alyaa Gad channel : http://bit.ly/AlyaaGad

Follow Alyaa Gad :
http://www.afham.tv
https://www.facebook.com/dr.AlyaaGad
https://twitter.com/AlyaaGad