Report Tv-Delegacioni i BE takim me politikën shqiptare
- 5 years ago
Një delegacion i Parlamentit Evropian mbërriti në Shqipëri, për situatën aktuale në vend. Por as bisedimet me ta, nuk e kanë tërhequr opozitën shqiptare nga djegia e mandateve, protestat e dhunshme, dhe synimi për ta çuar vendin në zgjedhje të parakohshme, përmes krijimit të një qeverie tranzitore.
Lideri demokrat Lulzim Basha, kryetarja e Lëvizjes Socialiste për Integrim, Monika Kryemadhi, dhe aleatët e djathtë, për më shumë se një orë mbajtën takim me delegacionin, por dolën edhe më të vendosur në rrugën e tyre, pa bërë asnjë hap pas - siç theksoi Kryemadhi. E refuzojnë në mënyrë kategorike uljen në negociata me kryeministrin Edi Rama për zgjidhjen e krizës politike.
Në përfundim të takimit me opozitarët, përfaqësuesit e PE, Knut Fleckenstein dhe Luigi Soreca, u shprehën se gjithçka do ta thonë nesër në një konferencë për shtyp. Më tej ata patën një takim në kryeministri me kreun e qeverisë Edi Rama dhe ministrin e jashtëm në detyrë, Gent Cakajn. Por takimi u mbajt me dyer të mbyllura dhe në përfundim nuk pati asnjë deklaratë për mediat.
Delegacioni do të qendrojë deri nesër në orën 10:15, ndërsa në fokus të qëllimit të vizitës së tyre është edhe njohja me procesin e reformave në prag të vendimit për negociatat që do të jepet në qershor.
Delegacioni kryesohet nga Tunne Kelam, ndërsa në përbërje të tij do të jenë; Cristian Preda, Knut Fleckenstein, Juan Fernando Lopez Aguilar, Bas Belder, Ilhan Kyuchyuk dhe Tamás Meszerics.
Lideri demokrat Lulzim Basha, kryetarja e Lëvizjes Socialiste për Integrim, Monika Kryemadhi, dhe aleatët e djathtë, për më shumë se një orë mbajtën takim me delegacionin, por dolën edhe më të vendosur në rrugën e tyre, pa bërë asnjë hap pas - siç theksoi Kryemadhi. E refuzojnë në mënyrë kategorike uljen në negociata me kryeministrin Edi Rama për zgjidhjen e krizës politike.
Në përfundim të takimit me opozitarët, përfaqësuesit e PE, Knut Fleckenstein dhe Luigi Soreca, u shprehën se gjithçka do ta thonë nesër në një konferencë për shtyp. Më tej ata patën një takim në kryeministri me kreun e qeverisë Edi Rama dhe ministrin e jashtëm në detyrë, Gent Cakajn. Por takimi u mbajt me dyer të mbyllura dhe në përfundim nuk pati asnjë deklaratë për mediat.
Delegacioni do të qendrojë deri nesër në orën 10:15, ndërsa në fokus të qëllimit të vizitës së tyre është edhe njohja me procesin e reformave në prag të vendimit për negociatat që do të jepet në qershor.
Delegacioni kryesohet nga Tunne Kelam, ndërsa në përbërje të tij do të jenë; Cristian Preda, Knut Fleckenstein, Juan Fernando Lopez Aguilar, Bas Belder, Ilhan Kyuchyuk dhe Tamás Meszerics.