Vlorë, qendra historike gati në shkurt të 2019-s, 68 objekte do t'i rikthehen

Rikualifikimi i qendrës historike synohet të jetë një nga rrugët më historike dhe turistike të Shqipërisë. Janë plot 68 objekte të cilat do t'i rikthehen strukturës bazë të shtëpive tradicionale. Këtë të enjte, zv/ministri i Infrastrukturës Artan Shkreli së bashku me kryebashkiakun e Vlorës Dritan Leli inspektuan punimet që po kryhen në qendrën historike.

Jem sot në inspektimin e radhës së punimeve të projektit më të rëndësishëm të rimëkëmbjes së qytetit, të rivlerësimit zonës historike me projektin më të rëndësishëm që do ta rikthejë atë në një atraksion të ri turistik për Vlorën. Do të kemi sigurisht funksionalitet dhe ruajtje të të gjithë lëvizshmërisë së kanalizimeve në pjesët që janë të pa ruajtura ose që gjatë viteve janë dëmtuar rëndë.

Dritan Leli, Kryebashkiaku i Vlorës
Ndërkohë, zv/ministri Shkreli u shpreh se e rëndësishme është vijimi i punimeve në mënyrë që ato të mbyllen sa më shpejt.

Unë me këtë rast inkurajoj biznesmenët të cilët zotërojnë pronat në këtë rrugë që jo vetëm të krijojnë mirëkuptim ndaj këtij restaurimi, por mundësisht të ndihmojnë edhe ata me mjetet e tyre në pronat e tyre, për t'i shndërruar në atraksione turistike, sikurse janë bërë në Pazarin e Ri në Tiranë apo në Pazarin e Korçës apo në zona të tjera.

Artan Shkreli, Zv/ ministri i Infrastrukturës