စားသောက်ကုန်တွေကို စစ်ဆေးဖို့ အဆင့်မီဓာတ်ခွဲခန်းတစ်ခု ဆောက်မယ် အောက်တိုဘာ-၁၄၊၂၀၁၈ပြည်တွင်းပြည်ပစားသောက်ကုန်တွေရဲ့ ဘေးအန္တရာယ်ကင်းရှင်းရေးကိုစစ်ဆေးနိုင်မယ့်

စားသောက်ကုန်တွေကို စစ်ဆေးဖို့ အဆင့်မီဓာတ်ခွဲခန်းတစ်ခု ဆောက်မယ်

အောက်တိုဘာ-၁၄၊၂၀၁၈

ပြည်တွင်းပြည်ပစားသောက်ကုန်တွေရဲ့ ဘေးအန္တရာယ်ကင်းရှင်းရေးကိုစစ်ဆေးနိုင်မယ့် နိုင်ငံတကာအဆင့်မီ ဓါတ်ခွဲခန်းကို ဒီနှစ်မှာ စဆောက်ဖို့ စီစဉ်နေတယ်လို့သတင်းရရှိပါတယ်။

ဒီဓာတ်ခွဲခန်းကို
မြန်မာနိုင်ငံစားသောက်ကုန်ထုတ်လုပ်တင်ပို့ရောင်းချသူများအသင်းက တည်ဆောက်သွားမှာဖြစ်ပြီး ကန်တော်ကြီးပတ်လမ်းအနီး ဗိုလ်ချိုလမ်းပေါ်မှာရှိတဲ့ စက်မှုဝန်ကြီးဌာနပိုင်မြေပေါ်မှာ ဆောက်လုပ်မှာဖြစ်တယ်လို့သိရပါတယ်။

ဓာတ်ခွဲခန်းဒီဇိုင်းရေးဆွဲတဲ့လုပ်ငန်းတွေနဲ့ပတ်သက်ပြီး ဂျပန်နိုင်ငံကအဖွဲ့အစည်းတစ်ခုနဲ့ MOUရေးထိုးထားတယ်လို့ မြန်မာနိုင်ငံစားသောက်ကုန်ထုတ်လုပ်တင်ပို့ရောင်းချသူများအသင်း ဥက္ကဌ ဦးအေးဝင်းကပြောပါတယ်။

အသစ်ဆောက်မယ့် ဓာတ်ခွဲခန်းမှာ ပြည်တွင်းပြည်ပစားသောက်ကုန်တွေထဲမှာ ပါဝင်တဲ့ပစ္စည်း၊ အာဟာရဆိုင်ရာတန်ဖိုးတွေနဲ့ ပါဝင်နေတဲ့ အဏုဇီဝပိုးမွှားတွေကို အခကြေးငွေနဲ့ ဓါတ်ခွဲစမ်းသပ်စစ်ဆေးနိုင်မယ်လို့ သိရပါတယ်။

မြန်မာနိုင်ငံစားသောက်ကုန်ထုတ်လုပ်တင်ပို့ရောင်းချသူများအသင်းအနေနဲ့ စားသောက်ကုန်လုပ်ငန်း ဖွံ့ဖြိုးတိုးတက်ရေး အထောက်အကူပြုဓာတ်ခွဲခန်းကို UMFCCIမှာ ဖွင့်လှစ်ထားတယ်လို့သိရပါတယ်။

ရုပ်သံသတင်းထောက် - လွင်သဲငယ်ဦး