د افغانستان او ایران ترمنځ "د اوبو پټه جګړه"
په ایران کې ورځ تر بلې د اوبو کموالی زیاتېږي. په تېره بیا له افغانستان سره پر پوله پرتو سیمو کې. ایران ادعا کوي چې افغان لوري پرې اوبه کمې کړې، خو کابل بیا وايي، ایران له خپلې برخې ډېرې اوبه ترلاسه کوي. افغان ولسمشر اوبه د خپل هېواد عزت بللی او د مدیریت ژمنه یې کړې. ځینې کارپوهان په دې باور دي چې د افغانستان او ایران ترمنځ د اوبو لانجه افغانستان ته د اوبو پروړاندې د لګښت په ورکولو حل کېدای شي.