Geetha Govindam Director Parasuram About Vijay Deverakonda. Geetha Govindam is an upcoming Indian Telugu romantic comedy film directed by Parasuram, produced by Bunny Vas under the banner of GA2 pictures. It stars Vijay Deverakonda, Rashmika Mandanna in the lead roles.

'అర్జున్ రెడ్డి' సినిమాతో విజయ్ దేవరకొండ తనకంటూ ప్రత్యేకమైన ఓ స్టార్‌డమ్ సంపాదించుకున్నారు. ఆ సినిమా ఎఫెక్టుతో విజయ్ దేవరకొండ అంటే ఒక మేనియా, పిచ్చి తయారైంది. అయితే 'గీతా గోవిందం' సినిమా తర్వాత ఆ పిచ్చి దిగిపోతుంది అంటున్నారు దర్శకుడు పరశురామ్. ఆగస్టు 15న సినిమా విడుదలవుతున్న నేపథ్యంలో ఆయన మీడియాతో ముచ్చటించారు. అర్జున్ రెడ్డి సినిమాకు ఇది పూర్తి భిన్నమైన సినిమా అన్నారు.
‘గీత గోవిందం' అంటే మహాభారతంలో శ్రీ కృష్ణుడికి, రాధకు మధ్య ఉండే ఎపిసోడ్. ఆ క్యారెక్టర్లు రిప్లెక్ట్ అవుతూ హీరో హీరోయిన్ల మధ్య లైఫ్ జర్నీ సాగుతుంది. ప్రేక్షకులు ఇంప్రెస్ అయ్యేలా సినిమా ఉంటుంది అన్నారు.
అర్జున్ రెడ్డి విడుదల కంటే ముందే ‘గీత గోవిదం' ఈ సినిమా అనుకున్నాం. పెళ్లి చూపులు తర్వాత అరవింద్ గారిని కలిసి కథ చెప్పినపుడు ఆయన ఎవరిని హీరోగా అంటే ఇలా విజయ్‌‌ని అనుకుంటున్నాను అన్నాను. ‘గీత గోవిందం' మొదలైన నాలుగైదు నెలలకు అర్జున్ రెడ్డి వచ్చిందని పరిశురామ్ తెలిపారు.