దక్షిణాది సినీ పరిశ్రమలో నటి షకీలా సృష్టించి సంచలనం అంతా ఇంతా కాదు. అప్పట్లో ఆమె సినిమాలు రిలీజ్ అవుతున్నాయంటే పెద్ద హీరోలు, నిర్మాతల గుండెల్లో దడ పుట్టేది. ఆమె సినిమాలు రిలీజ్ అయితే తమ సినిమాలు ఆడవని షకీల సినిమాలు నిషేధించేవారు. అలాంటి నటి జీవిత కథ ఆధారంగా బయోపిక్ వస్తున్నది. ఈ చిత్రంలో షకీలాగా బాలీవుడ్ నటి రిచా చద్దా నటించనున్నారు. ఇటీవల ఓ ఆంగ్ల దినపత్రికకు ఇచ్చిన ఇంటర్వ్యూలో రిచాచద్దాతో షకీలా తన అనుభవాలను పంచుకొన్నారు. అవి ఆమె మాటల్లోనే..
సినిమాల్లో హీరోలకు, హీరోయిన్లకు డూప్‌లను ఉపయోగిస్తారని తెలుసు. కానీ నగ్నంగా నటించడానికి ఒప్పుకోని హీరోయిన్లకు డూప్‌లను ఉపయోగించి న్యూడ్‌గా చూపుతారని నాకు తెలియదు. నా విషయంలో అదే జరిగింది. నేను లేకుండానే ఓ సీన్‌లో మరో మహిళను డూప్‌గా ఉపయోగించి నేను నగ్నంగా నటించినట్టు చూపించారు.
నేను చెన్నైలో నివసించే దానిని. అక్కడ సినిమా హాళ్లన్నీ ప్రేక్షకులతో నిండిపోయి ఉండేవి. దాంతో థియేటర్లకు వెళ్లి సినిమాలు చూడలేకపోయేదానిని. అందువల్ల నా సినిమాలలో నేను ఎలా ఉంటాను అనే విషయాన్ని తెలుసుకోలేకపోయాను.