Ram Gopal Varma Launch His FilmInstitute RGV Unschool. The maverick filmmaker has named his institute differently too and it will be called ‘RGV UnSchool’. “There will be no classroom sessions and all will be based on one-to-one interaction”, he said. The details of selection process, eligibility, fee and other requirements will be announced shortly, Varma added.

దర్శకుడు రామ్ గోపాల్ వర్మ 'ఆర్జీవీ అన్‌స్కూల్' పేరుతో ఓ ఫిల్మ్ స్కూల్ ప్రారంభించబోతున్నారు. శ్వేతారెడ్డి ఆధ్వర్యంలో ఈ ఫిల్మ్ స్కూల్ నిర్వహించబడనుంది. దీనికి వర్మ క్రియేటివ్‌ హెడ్‌గా వ్యవహరించబోతున్నారు. హైదరాబాద్, ముంబై, అమెరికాల్లో దీని శాఖలు ఏర్పాటు చేయనున్నారు. త్వరలో ఫీజు వివరాలు వెల్లడించనున్నారు. దీని గురించి వివరాలు వెల్లడిస్తూ మీడియా సమావేశం ఏర్పాటు చేసిన రామ్ గోపాల్ వర్మ ఈ సందర్భంగా పాత్రికేయులు అడిగిన ప్రశ్నలకు ఆసక్తికర సమాధానాలు ఇచ్చారు.
నేను స్కూల్ డేస్ నుండి చాలా పూర్ స్టూడెంట్. పదవ తరగతి, ఇంటర్, ఇంజనీరింగులో రెండేసి సార్లు ఫెయిల్ అయ్యాను. అలాంటి నేను స్కూల్ పెడతానని ఎప్పుడూ ఊహించలేదు అని రామ్ గోపాల్ వర్మ వెల్లడించారు.
పూర్ స్టూడెంట్స్‌కు నా స్కూల్ లో చోటు లేదు. అడుక్కునే మెంటాలిటీ ఉంటే మా స్కూలుకు రావొద్దు. అలాంటి వారు ఇక్కడ నేర్చుకునే ఏమీ ఉండదు అని.... అని వర్మ ఈ సందర్భంగా ఓ ప్రశ్నకు సమాధానం ఇచ్చారు.
నా స్కూల్‌లో చేరే వారికి నా సినిమాల్లో అవకాశాలు ఇస్తానని ఎవరూ భావించవద్దు. నా స్కూల్‌లో చేరిన వారి వద్ద టాలెంట్ ఉందని తెలిస్తే..... ఆ విషయం వారికి తెలిసే లోపు వాడుకుని సినిమా తీసి డబ్బు చేసుకుంటాను అని వర్మ తెలిపారు.
నా స్కూల్‌లో పాఠాలు, తరగతి గదులు ఉండవు. ఇక్కడ ఏం నేర్పరు. మీలో ఉన్న ప్రతిభని వెలికితీసే ప్రయత్నం మాత్రమే చేస్తాం. ‘బ్లాక్‌ బ్లస్టర్‌ సినిమా ఎలా తీయాలి' అనేది ఎవ్వరూ చెప్పలేరు. ఓ కథని పదిమంది దర్శకులకు ఇస్తే పది రకాలుగా తీస్తారు. ఎవరి ఆలోచనా పరిధి వాళ్లది. ఆ ఆలోచనల్ని విస్తరించేందుకు ‘అన్‌స్కూల్‌' ఉపయోగపడుతుంది... అని వర్మ తెలిపారు.