The wait is over. The result of Karnataka assembly elections 2018, which was dubbed as the biggest political battle of the year, would be declared today (May 15) and you can catch all the live action here.

దేశం మొత్తం ఎంతో ఉత్కంఠతో ఎదురుచూస్తున్న కర్ణాటక అసెంబ్లీ ఎన్నిల ఫలితాలు మరికాసేపట్లో వెలువడనున్నాయి. మంగళవారం ఉదయం 8గంటల నుంచి ఓట్ల లెక్కింపు ప్రారంభమైంది.
కాగా, 2019లో లోకసభ ఎన్నికలు జరగనున్న నేపథ్యంలో ఈ ఎన్నికలకు ప్రాధాన్యత నెలకొంది. అందుకే భారతీయ జనతా పార్టీ, అధికార కాంగ్రెస్ పార్టీ, జేడీఎస్ Janata Dal (Secular కూడా తీవ్రంగా గెలుపు కోసం ప్రయత్నాలు చేశాయి.
కర్ణాటకలోని 222 అసెంబ్లీ స్థానాలకు మే 12న ఎన్నికలు జరగ్గా.. నేడు ఫలితాలు వెల్లడికానున్నాయి. ఓట్ల లెక్కింపు కోసం 38 కౌంటింగ్ కేంద్రాలను ఏర్పాటు చేశారు. అన్ని కౌంటింగ్ కేంద్రాల వద్ద కట్టుదిట్టమైన భద్రత ఏర్పాటు చేశారు.
అయితే, ఎగ్జిట్ పోల్స్ ఫలితాలు మాత్రం ఏ పార్టీకి కూడా పూర్తిస్థాయి మెజార్టీ ఇవ్వలేదు. దీంతో జేడీఎస్ కీలకంగా మారుతుందని తెలుస్తోంది. అయితే, కొన్ని ఛానళ్లు బీజేపీ, మరికొన్ని ఛానళ్లు కాంగ్రెస్ పార్టీ అతిపెద్ద పార్టీగా అవతరిస్తుందని పేర్కొన్నాయి.
కర్ణాటక ముఖ్యమంత్రి సిద్దరామయ్య రెండు శాసన సభ నియోజక వర్గాల్లో పోటీ చేస్తున్న విషయం తెలిసిందే. సీఎం సిద్దరామయ్య మైసూరు జిల్లా చాముండేశ్వరి నియోజక వర్గంలో ప్రత్యర్థి, స్థానిక జేడీఎస్ ఎమ్మెల్యే జీటీ. దేవేగౌడ దెబ్బకు వెనకబడిపోయారు.
బీజేపీ చీఫ్ అమిత్‌ షాతో సమావేశమైన తర్వాత పార్టీ నేత ప్రకాశ్ జవదేకర్ బెంగళూరు చేరుకొన్నారు. ఒకవేళ హంగ్ ఏర్పడితే ఏం చేయాలనే వ్యూహంపై పార్టీ నేతలతో చర్చల్లో మునిగిపోయారు.