Search
Library
Log in
Watch fullscreen
3 years ago|0 view

Avramopoulos vizitë në Tiranë - News, Lajme - Vizion Plus

VizionPlusAlbania
VizionPlusAlbania
http://www.vizionplus.tv
https://facebook.com/VizionPlusTV
https://instagram.com/vizionplustelevizion
https://twitter.com/VizionPlusTV
Komisioneri për Çështjet e Brendshme, Migracionin dhe Shtetësinë në Bashkimin Europian Dimitris Avramopoulos, mbërrin të hënën në Tiranë për të biseduar me zyrtarë të lartë të shtetit shqiptar, mbi situatën e azilkërkimit.



Mësohet se komisioneri do të takohet me ministrin për Europën dhe Punët e Jashtme Ditmir Bushati. Zyrtari i lartë i BE-së do të pritet në një takim të veçantë edhe nga kryeministri Edi Rama, si dhe ministri i Brendshëm Fatmir Xhafaj.



Pjesë e axhendës së vizitës së Komisionerit Avramopoulos është edhe takimi me Kryepeshkopin e Kishës Ortodokse Autoqefale Shqiptare, Anastas Janullatos.



Bashkëpunimi mes institucioneve shqiptare dhe atyre të BE-së mbi emigracionin, sigurinë dhe menaxhimin e kufijve, do të analizohen gjatë takimeve, detaje të së cilave pritet të bëhen publike në konferencën e përbashkët për shtyp të ministrit Xhafaj dhe komisionerit Avramopoulos.



Komsioneri i Bashkimit Europian mbërrin në një moment të rëndësishëm të procesit të integrimit europian të Shqipërisë, kur pritet vendimi për çeljen e negociatave për anëtarësim.



Situata e azilkërkuesve shqiptarë në disa vende të BE-së disa vite më parë është konsideruar shqetësuese.



Ndërkohë që prej vitit 2017, BE ka njohur meritat e autoriteteve shqiptare në frenimin e fluksin të azilkërkuesve shqiptarë, si dhe gatishmërinë për riatdhesimin e tyre.



Sipas BE-së Shqipëria është vendi që i është përgjigjur pozitivisht kërkesave për riatdhesim të azilkërkuesve të paligjshëm. Merita të cilat pritet të theksohen në daljen publike për mediat të komisionerit Dimitris Avramopoulos.

Browse more videos

Browse more videos