Афғонистон бўйича халқаро Тошкент анжумани арафасида Россия Афғонистондаги Толибон ва "Исломий давлат" жангариларининг террорчилик хуружлари кучайгани ҳақида навбатдаги огоҳ билан чиққан.
Россия Ташқи ишлар вазири Сергей Лавровнинг Тошкентга ташрифи муносабати билан эълон қилинган расмий шарҳда ИШИД Афғонистоннинг МДҲ давлатларига чегарадош шимолий минтақаларида куч тўплаётгани айтилади.
Ўтган ҳафта Би-би-си билан суҳбатда Афғонистондаги АҚШ ва Нато кучлари қўмондони генерал Жон Николсон Россияни Толибонга қурол-яроғ етказиб бериш ва толибларни дастаклашда айблаганди.
Генерал Николсон Россиянинг Афғонистондаги "беқарорлаштирувчи ҳаракатларига" гувоҳ бўлганини айтган.
Унга кўра, Россия қуроллари толибларга Тожикистон чегараси орқали етказиб берилмоқда.
Москва бу каби айбловларни ҳар доим рад этиб келган.
Ғарблик таҳлилчилар Россия Афғонистондаги Толибон ва ИШИД таҳдидидан Марказий Осиё давлатлари ва минтақадаги жараёнларни назорат қилишда фойдаланишига ишонадилар.
Би-би-си айни мавзуда россиялик таҳлилчи Сергей Абашиннинг фикрларини сўраган.
--------------------------------------------------------------------------------------------------
Afgʻoniston boʻyicha xalqaro Toshkent anjumani arafasida Rossiya Afgʻonistondagi Tolibon va "Islomiy davlat" jangarilarining terrorchilik xurujlari kuchaygani haqida navbatdagi ogoh bilan chiqqan.
Rossiya Tashqi ishlar vaziri Sergey Lavrovning Toshkentga tashrifi munosabati bilan eʼlon qilingan rasmiy sharhda IShID Afgʻonistonning MDH davlatlariga chegaradosh shimoliy mintaqalarida kuch toʻplayotgani aytiladi.
Oʻtgan hafta BBC bilan suhbatda Afgʻonistondagi AQSh va Nato kuchlari qoʻmondoni general Jon Nikolson Rossiyani Tolibonga qurol-yarogʻ yetkazib berish va toliblarni dastaklashda ayblagandi.
General Nikolson Rossiyaning Afgʻonistondagi "beqarorlashtiruvchi harakatlariga" guvoh boʻlganini aytgan.
Unga koʻra, Rossiya qurollari toliblarga Tojikiston chegarasi orqali yetkazib berilmoqda.
Moskva bu kabi ayblovlarni har doim rad etib kelgan.
Gʻarblik tahlilchilar Rossiya Afgʻonistondagi Tolibon va IShID tahdididan Markaziy Osiyo davlatlari va mintaqadagi jarayonlarni nazorat qilishda foydalanishiga ishonadilar.
BBC ayni mavzuda rossiyalik tahlilchi Sergey Abashinning fikrlarini soʻragan.
