一台獨大，無綫霸道是常識吧！方丈向來專橫，除限奶令，趁住五十周年台慶大日子，竟然又大開殺戒，最新受害者包括張繼聰。
大台一線小生買少見少，張繼聰有演技又有觀眾緣，之前有份拍的劇集《老表，你好嘢！》、《忠奸人》及《食為奴》，套套都有好收視，雖然只係配角但一樣搶戲，一四年更被方丈恩賜，獲得「飛躍進步男藝員」，之後更開始讓他做男一，他擔正的《收規華》更有好收視，戲路又夠廣，正經又得搞笑亦得，所以就算唔係「親生仔」都備受重用。靠拍大台劇成功復活，搣甩「廢柴老公」之名，張繼聰擔正的劇集有收視有口碑，但受老闆蕭定一跟無綫的官司所累，慘被無限期封殺，全面禁用，《誇世代》可能變成他的大台「遺作」。
張繼聰入咗TVB六年，最初幾年都是以歌星約價錢六百蚊一集拍劇，終於捱到出頭，今年八月以千萬酬金，簽約蕭定一旗下三年，但原來亦因為他簽約蕭定一公司，令到他遭遇「殺身」之禍！
事緣一四年無綫仍是佘詩曼經理人，跟蕭定一的冠嶺有限公司簽約拍電影《十月初五的月光》，合約稱由一四年十一月八日至十二月十八日期間，合共十八個工作天拍《十月》，共收取一百九十萬片酬；如額外要工作，則收取日薪十一萬。
當時有傳男主角張智霖不滿劇本，要求改劇本後才續拍，因此電影逾期完成。據悉佘詩曼沒想過要追補水，但無綫去年向冠嶺追討，入稟狀指，根據合約佘詩曼可收取一百八十七萬的額外薪酬，惟對方只繳付一半，故入稟追收餘款九十三萬五千元及有關利息，官司至今仍未審結。「其實阿聰（張繼聰）好無辜，成件事係因為電影版《十月初五的月光》，阿一（蕭定一）同TVB因為佘詩曼嘅超時補水問題有爭拗，依家打緊官司，上個月TVB向阿一旗下藝人開刀，封殺佢所有artist，除咗阿聰，欣宜都受影響，總之暫時唔會俾阿一嘅人出鏡。」知情人說。
無辜受牽連被封殺的張繼聰，去年台慶有份表演，但封殺令一出，今年台慶無影。
相關連結:
【大方同小氣之分】張繼聰認俾TVB封殺：「嚟緊有一段時間唔可以再喺將軍澳出現」

【大台專橫】全面抽起張繼聰工作 Walking哥得閒湊仔

【搣甩「廢柴老公」】六百蚊拍一集劇 張繼聰谷肌轉做打星

拒信張繼聰被封殺 蕭定一:係專登唔拍電視劇

【試晒造型影埋年曆】陳國邦損失慘重 請假推jobs後被方丈翹起

【自由身上ViuTV變死罪】大台說拍《包青天》 陳國邦臨門被飛

【無綫封殺令】天王劉德華曾被雪400日 李潤庭更加無得留低

【童星出身】張繼聰反女尊男卑 憑《老表》及《收規華》出人頭地

【無綫獨裁】禁粵語受訪 禁藝人接job 外地劇要重新配音 諸多限制


壹週Plus :
即 like 壹週Plus fb :