Lezend Gets 9 Nandi awards : అందుకే 'రఘుపతి వెంకయ్య' అవార్డుకు చిరంజీవి | Oneindia Telugu

There is rumours that unilateral decisions in Nandi Awards selections in Tollywood. Nandamuri Balakrishna lead caractor cinima 'Lezend' gets 9 Nandi awards. Other side best films just like Rudramadevi and Manam. But these cinimas didn't get oppurtunity for awards

గతంలో తెలుగు సినిమా రంగంలో పరిస్థితులతో పోలిస్తే కానీ ఈనాడు పరిస్థితులు అందుకు భిన్నంగా సాగుతున్నాయా? అన్న సంకేతాలు కనిపిస్తున్నాయి. తెలుగు నాట సినీ రంగంలో తొలి దశలో ‘నంది' అవార్డుల ప్రదానానికి ఎంతో ప్రాధాన్యం ఉండేది. మొదట్లో తెర వెనుక లాబీయింగ్ మాటెలా ఉన్నా.. బహిరంగ వ్యాఖ్యానాలు వచ్చేవి కావు. కానీ తాజాగా ఆంధ్రప్రదేశ్ ప్రభుత్వం నియమించిన నంది అవార్డుల జ్యూరీ కమిటీ.. 2014, 2015, 2016 సంవత్సరాలకు నంది అవార్డుల ప్రదానోత్సవంలో ఇష్టారీతిన.. ఒక సామాజిక వర్గానికే.. అందునా కావాల్సిన వారికే పెద్దపీట వేసిందన్న విమర్శలు వచ్చాయంటే అతిశయోక్తి కాదు. సినీ రంగంలో పేరున్న దర్శకుడు రాం గోపాల్ వర్మ తదితరులను ఉద్దేశించి జ్యూరీలో సభ్యుడిగా మద్దినేని రమేశ్ బాబు చేసిన వ్యాఖ్యలు, బూతు పురాణం గురించి మాట్లాడటం ఎబ్బెట్టుగా.. ఎంబరాసింగ్‌గా మారిందంటే అతి శయోక్తి కాదు. దర్శకుల వ్యక్తిగత అంశాల్లోకి వెళ్లి విమర్శలు చేయాల్సిన అవసరమేమిటో అర్థం కావడం లేదని విశ్లేషకులు అభిప్రాయ పడుతున్నారు. విమర్శకు ప్రతి విమర్శ చేయడంలో రాం గోపాల్ వర్మను ఎదుర్కొనే వారే లేరు. తనపై చేసిన వ్యాఖ్యలకు ధీటుగానే ‘కమ్మ కమ్మ'గా అవార్డులు పంచేసుకున్నారని రిటార్ట్ ఇచ్చేశారు. అంతకంటే గొప్ప విషయమేమిటంటే తెలుగు సినిమాను హాలీవుడ్ రేంజ్ కు తీసుకెళ్లిన ‘బాహుబలి'లో నటించిన ప్రభాస్ వంటి వారి ఊసే లేదు. కానీ అదంతా రాజమౌళి క్రెడిట్ అని కొందరు సరి కొత్త వాదన తీసుకు రావడం గమనార్హం.