మెగా ఫ్యామిలీకి అన్యాయం.. మెగా నిర్మాత ఫైర్

2014, 2015, 2016 Nandi Awards selection process become most controversial in the media and film circles. This issue became high debate in social media too. In this occassion, producer Bunny Vasu criticised Andhra Pradesh Government process for selecting one group of the film Industry.

సినిమా రంగంలో ఉత్తమ ప్రతిభ చాటే నటీ నటులకు ఇచ్చే నంది అవార్డుల ఎంపిక మరోసారి వివాదాస్పదమైంది. ఆంధ్ర ప్రదేశ్ ప్రభుత్వం ప్రకటించిన నంది అవార్డులపై మెగా అభిమానులతోపాటు పలువురు అసంతృప్తిని వెళ్లగక్కుతున్నారు. 2014, 2015, 2016 సంవత్సరాలకు గానూ ప్రకటించిన అవార్డుల్లో మెగా హీరోల్లో కేవలం అల్లు అర్జున్‌కు తప్ప మరోకరికి అవార్డులు రాకపోవడంపై ఫైర్ అవుతున్నారు. రుద్రమదేవి చిత్రంలో నటించిన అల్లు అర్జున్‌కు ఉత్తమ క్యారెక్టర్ ఆర్టిస్ట్ క్యాటగిరీలో అవార్డును ఇవ్వడం విమర్శలకు కారణమైంది. అవార్డుల ఎంపికపై మెగా ఫ్యామిలీకి అత్యంత సన్నిహితుడు, నిర్మాత బన్నీ వాసు బహిరంగంగా విమర్శలు చేయడం మరింత వివాదం రాజుకొన్నది.
అధికార తెలుగుదేశం ప్రభుత్వాన్ని చూసి మెగా హీరోలు నటన నేర్చుకోవాలి. నంది అవార్డులు రావాలంటే తక్షణం చంద్రబాబు సర్కార్ వద్ద శిక్షణ తీసుకోవాలి అని బన్నీవాసు ఘాటుగా కామెంట్ చేయడం సినీ వర్గాల్లో చర్చనీయాంశమైంది. అవార్డుల ఎంపికపై సోషల్ మీడియాలో బహిరంగ విమర్శలు తలెత్తుతున్న నేపథ్యంలో బన్నీ వాసు వ్యాఖ్యలు అత్యంత కీలకంగా మారాయి.