من جديد: الرئيس الفلسطيني يخطئ في تهنئة الرئيس مرسي
- 7 years ago
واضح ان مش المصريين بس اللي مش حاسين بفرق بين مصر قبل الثورة ومصر بعدها ... ومش حاسين ان في ثورة اصلا قامت عشان خاطر تغيير نظام وتيجي بنظام جديد من أجل العيش والحرية والكرامة الإنسانية والعدالة الإجتماعية اللي قامت عشانهم الثورة .. ثورة 25 يناير ... بنقول الكلام دا لأن حتى الآن رئيس دولة عربية شقيقة جدا .. زي الرئيس محمود عباس ابو مازن رئيس الدولة الفلسطينية واللي كان احد الحاضرين في مؤتمر القمة الإسلامية غلط في خطابة اللي ألقاءه خلال المؤتمر ووجه خطابه لمحمد حسني مبارك الرئيس السابق بدلا من الدكتور محمد مرسي رئيس الجمهورية الحالي ... بالتأكيد هيا خطأ غير مقصود .. واحنا مش بنعمل من الحبة قبة ولا حاجة ... احنا بس بنسأل ياترى هو لية غلط غلطة زي دي وياترى هيا كانت فعلا مكتوبة محمد حسني مبارك ولا اتقالت سهوا ... وفي بيسأل ايضا باترى هي مقصودة ولا اية ...