Happy Birthday To Legendary Singer Lata Mangeshkar

Legendary playback singer Lata Mangeshkar ji ka aaj janamdin hai. Aur unhone apne 86 saal, complete kar liye hai. Madhya Pradesh ke Maratha pariwar mei janmi, Lata ji ke kandho par apne pariwar ki zimmedari thi. Aur bohat choti si umra mei hi, unhone apne sangeet ke zariye kaam shuru kar diya tha. Shuru mei kayi logon ne unki aawaz ko patli aur bachon jaisi keh kar criticise bhi kiya tha. Lekin suron ke parkhi nazar rakhne wale, music director Ghulam Haider ne Lata ji ki aawaz sunkar ye kaha tha ki wo ek din desh ki aawaz banegi. Aur ye baat tab sach hui jab unhone ek samaroh mei, Chacha Nehru ke samne Ae mere Watan Ke Logon gaane ko gaya tha. Jisse sunne ek baad, wo apne aansuon ko rok na sake. Mahan Gayak Mukesh, Mohammad Rafi aur Kishore Kumar ke sath Lata didi ne ek se badhkar ek super hit gaane diye hai. Aur Madhubala se lekar, Madhuri Dixit aur Kareena Kapoor tak ke liye. Lata Ji ne behatrin gaane gaaye hai. Lata ji ko Dadasaheb Phalke aur Bharat Ratna jaise awards se sammanit bhi kiya gaya hai. Film Industry ke sabhi kalakaro ne aaj, Lata ji ko social site par Birthday Wish kiya hai. Aapke is khaas din par, hamari taraf se bhi aapko aapke swathya jivan ke liye dher sari shubhkamnaye...

SUBSCRIBE to our channel by CLICKING the link below-
https://goo.gl/1wOHB8

Watch our Most Watched Videos !!!
https://goo.gl/9gx57R

Checkout Our Blogger
http://goo.gl/H0a8P2

Like Share and Subscribe !!!