Carmina Burana, një nga premierat më të suksesshme të kalendarit artistik 2015-2016, është rikthyer me performancën më të lartë këtë fundjavë në Teatrin Kombëtar të Operës dhe Baletit.

Kjo kantatë skenike nga Carl Orff është realizuar premierë në Tiranë me koreografi të Juri Vamos.

Rreth 200 artistë i kanë dhënë flatra fantazisë së koreografit Vamos, ku kanë spikatur performacat e këngëtarëve Ekelejeda Kamani, Erlinda Agolli, Karlo Çeski dhe Safet Berisha, zëra që janë bashkuar në një harmoni të plotë me vallëzimin e balerinëve Ledia Sulaj, Adela Muçollari, Kristi Dalipi, Jonida Onuzi, Ervis Nallbani, Dion Gjinika, etj. Carmina Burana është duartrokitur nga publiku gjatë gjithë spektaklit.