Report TV - Pandeli Majko: PS e zhurmshme, por në fund jemi të gjithë bashkë

"PS mbetet spektakli më i madh i demokracisë në Shqipëri, ku debatohet, kundërshtohet, ngrihet zëri, por në fund të gjithë jemi bashkë, sepse ju jeni bashkë". Kështu e komentoi situatën brenda PS, deputeti socialist, Pandeli Majko, gjatë ceremonisë së anëtarësimeve të reja në PS.

Sipas tij, PS do të zgjerohet edhe më shumë sepse është një forcë politike që nuk mendon vetëm për veten. "Sot, në këtë ditë ku dhjetëra të rinj e të reja, anëtarësohen në PS, dëshiroj jo si trajner, por si një nga anëtarët e PS, tu uroj atyre mirëseardhjen në familjen tonë të madhe, të zhurmshme, por është e zhurmshme se është e madhe dhe nuk mendon veç për veten e vet, por edhe për të tjerët. E ardhja jonë është e bashkëlidhur edhe me ata që nuk na votojnë, kjo është arsyeja që ne jemi të tillë, të veçantë", tha Majko.