Në facebook, Berisha i pari me fansa Rama më i pëlqyeri në Shqipëri

TIRANE- Politikanët shqiptarë e kanë zhvendosur betejën e tyre politike prej disa vitesh në rrjetet sociale dhe kryesisht në Facebook, duke shmangur kështu daljet në media, njoftimet e shtypit apo komunikimet direkte me qytetarët. Por sa të suksesshëm janë ata në garën virtuale dhe kush e kryeson betejën. Një program elektronik që quhet Socialbakers, na vjen në ndihmë për të qartësuar pushtetin online.

Kështu, Sali Berisha kryeson më faqen e tij më të pëlqyer me 991 936 fansa, i ndjekur nga Edi Rama me 903 413 fansa. Megjithëkëtë, Edi Rama ka më shumë fansa brenda vendit, me shifrën 495 671, kundrejt Sali Berishës me vetëm 393 615 fansa nga përdoruesit e facebookut brenda vendit.