Chalo Choro by Mr.Xafar (Sirf_Yaadein)

Chalo choro!
Muhabbat jhoot hay
“Ahd-e-wafa” ek shugal hay bekar loggo ka
“Talab” sukhay howay pat`to ka beRonag jazera hay
”khalish” demak zada O-raq per
Bosida katroo ka jazera hay
Chalo choro!
k ab tak main an`dhayron ki dhamak main sans ki zarbo pay
Chahat ki Bina rakh kar safar karti rahi hoon
Mujhy ahsas ki kab tha
k tum bhi mousamoo k sath,
apny perahan k rang badloo gay
Chalo choro!
Mera hona na hona ek barabar hay
Tum apny khal-o-qad ko aahinay main per nikharny do
Tum apni ankh ki basti main
Phir say ek “naya” mousam utarnay do
Meray khuwaboo ko “Marny” do
Nai Tasweer Dekho
Phir Nia Maktoob Likho
Phir Naye Mosam, Naye Lafzon Say Apna Silsala Jorro,
Merey Mazi Ki Chahat Ra’igan Samjho
Meri Yadon Say Kachey Rabtey Torru
Chalo choro!
Mubahhat “Jhoot” hay.

Edited By Mr.Xafar
Xafar Studio
Sirf_Yaadein

join us on
https://twitter.com/Sirf_Yaadein
https://www.facebook.com/SirfYaaadein

contect Us
sirf_yaadein@mail.com