Դ!ԵՄ ԵՄ. քաղաքացիական մշակույթի ակունքներում

Քաղաքացիական մշակույթ
Մասնակցություն, Շահեր, Ակտիվություն, Կամք, Ուժ, Յուրայիններ, Թիմ

Մարդկային զարգացման միջազգային կենտրոնը սկսում է Հայաստանում քաղաքացիական մշակույթի ձևավորման փորձին անդրադարձող հրապարակումների շարքը։ Հրապարակումներում փորձելու ենք ուրվագծել Հայաստանում քաղաքացիական հասարակության կայացման գործընթացի առավել ակնառու հանգրվաններին, վեր հանել քաղաքացիական դիրքորոշման ու շահերի պաշտպանության առավել հաջողված օրինակներն ու հաջողության հիմնական գործոնները, զարգացումներն ու սերտած դասերը։

Այս շարքի առաջին հրապարակումն անդրադառնում է վերջին շրջանի առավել հուժկու, ընդգրկուն և առավել ազդեցիկ քաղաքացիական շարժումներից մեկին, որը ձևավորվեց ի արձագանք Հայաստանում կենսաթոշակային համակարգի բարեփոխման, մասնավորապես՝ պարտադիր կուտակային կենսաթոշակների համակարգի ներդրման ուղղությամբ ՀՀ կառավարության գործադրած ջանքերին։